نصائح مفيده للمطبخ

1 - تعرفي انك لو نخلتي الدقيق اكتر من مرة الكيكه هتطلع هشه اكتر  .
2 - تعرفي انك لما تيجي تعملي معجنات وتضيفي للدقيق كيس بيكينج بودر مع الخميره العجينة هتبقي احلي وهتعلي اكتر .
3 - ونتي بتعملي معجنات حطي معلقه خل علي الدقيق هيخلي العجينة هشه معاكي .
4 - لو عايزه تعملي كيكه برتقال ومفيش برتقال حطي معلقه عصير تانج برتقال مع كوب لبن وهيبقي عندك عصير برتقال.
5 - لو عندك اكله محتاجه كريمه ومقلتيش دوبي معلقتين ذبده مع لبن كامل الدسم واستخدميهم وهتبقي عندك كريمه طبيعي .
6 - لو عايزه اكلك خفيف شوحي البصله على النار من غير زيت او سمنه بس وطي النار والبصله هتنزل ميتها وتستوي فيها وهي علي النار انزلي بالطماطم وكلي احلي تسبيكه من غير دهون .
7 - لو بتعملي حلويات ومحتاجه كريم شانتيه ومش موجوده عندك ولا يهمك اعملي زي ما انا بعمل حطي علي النار حله وحطي فيها علبه قشطه ومعلقتين سكر ومعلقتين ذبده وقلبي على النار لحد ما السكر يدوب وهيبقي عندك كريم شانتيه طبيعي صنع ايديكي ولا تزعلي نفسك .
8 - لو بتعملي كنافه بالقشطه وملقتيش قشطه اوعي تتخضي بصي يا ستي هاتي 3 كوبايات ميا زوبي فيهم كوبايتين لبن بودره وشويه سكر وحطيها على النار ولما يغلي حطي نقطه ماء ورد وماء زهر وقلبي لحد القوام مايمسك وبعدين استخدميها وممكن تحشي بيها القطايف بتبقي تحفه.
9 - عملتي بيتزا على الغدا واولادك عايزين كاتشب هاتي كوبايه صلصه طماطم نصف كوبايه سكر ومعلقتين خل وحطي علي النار ومش هيعرفو الفرق .
10 - للرز سعات بيطلع ملزق معاكي بصي بقا لما الرز يتشرب وبعد ما توطي عليه حطي معلقتين زيت عليه وقلبي وغطي وسيبيه يكمل تسويه عمره ما هيلزق تاني .
11 - بصي سعات بيفيض مننا رز بايت وبنرمي كتير وطبعاً ولادنا مبيحبوش الرز البايت بصي بقا اوعي ترميه عصجي لحمه مفرومه وعملي شويه بشامل وشوحي خضار بسله وجزر وبطاطس بفصين ثوم لحد ما يستوي ورصي صينيتك وقلبي الرز مع الخضار وحطي تحت بشامل وطبقه رز وطبقه لحمه وطبقه رز تاني وبعدين البشاميل وكلي احلي صينيه رز بالخضروات من الرز البايت .
12 - لو عايزه عجينه البيتزا تبقي مختلفه نكهيها بالاعشاب حطي زعتر وروزماري وممكن بصل بودر وثوم بودر بغير طعم العجينه .
13 - لو جيتي تعملي كيكه وملقتيش فانيليا متتخضيش حطي معلقه خل .
      👌😉🍕🍩👌