طرق النصب الالكتروني
1 - اللي يقلك التفاصيل خاصه وميرضاش يشرح قدام الناس اعرف ان في حاجه غلط .🤨
2 - مفيش شغل ب ١٠٠٠٠ ج في الشهر ولا ٣ آلاف في الاسبوع ولا في اليوم غير شغل الديزاينر أو مصمم الجرافيك ممكن يوصل لكده .😮
3 - اي حد يقلك رسوم لا بلكيشن طلب الواظيفه نفضله دا نصاب .. اي حد يقولك تدفع مبلغ عموله قبل ماتشتغل أو استلام الشغل دا نصاب .. لو مكتب توظيف محترم وعايز عموله هيقولك العموله هتنخصم من اول راتب ليك غير كدا اعرف أنه هيخلع منك مع اول مشكله .✋
4 - مفيش حد هيسفرك تشتغل بره مصر مقابل ١٠٠٠ ولا ١٠٠٠٠جنيه .. الفيزا دلوقتي من كفيل بتوصل ١٠٠ الف ج واكتر أو ببلاش لو على شركه معينه محتاجه عماله .. كل الي مطلوب منك اي وظيفه تجيلك بره أتأكد كويس منها عن طريق طلبك لاسم الشركة أو المكان و تخلي حد يسألك عنه أو تخاطب إدارة المكان بنفسك .😲
5 - هقولك كول سنتر من المنزل .. مفيش كول سنتر من المنزل ده غالباً عايز شغل شمال .🚫
6 - هقولك تاني .. اوعي تدفع اي فلوس مقدم لحد قبل ما تشتغل ولا اول ما تشتغل .. ولا فيه ابلكيشن بفلوس .✋
7 - ابعد عن التسويق الشبكي أو اي شغل تدفع في مقابل اشتراك أو تجيب في ناس تحت منك فريق عمل عشان تاخد مكسبك .. نصب نصب نصب .😲
8 - مفيش حد ينزل وظائف موجوده فعلا وتدخل صفحته تلاقيه فاشل وتافه .🚫
9 - مكاتب التوظيف المحترمه لتستخدم خط ارضي مش رقم موبايل .. عشان ميتنصبش عليك .🤨
10 - مفيش حد بينزل وظائف حكومة اوشركات معروفه ويقولك للاستفسار كلمني على رقمي أو وتس .. الحكومه والشركات المحترمه أو المصانع اللي بتضمن حقوق عمالتها بتتخاطب عن طريق اميل رسمي أو موقع الكتروني يمثلها .✋
11 - اي مكتب توظيف متثقش فيه بسهوله أو متثقش احسن ودور بنفسك زي ما هو لقي الفرصه دي انت ممكن تلاقيها هو مش احسن منك .. ولو كان لابد يبقي زي ما قولت متدفعش فلوس ابلكيشن ولا تدفع مقدم قبل ما تقبض مرتبك .🙂
12 - اوعي تمضي اي ورقه قبل ما تقراها كويس جدا وتسأل عن محتواها ومتمضيش علي وصولات امانه وكمبيالات لاي مخلوق عشان هيوظفك .. لو هو مش واثق فيك وانت متتقفش فيه لأنه ممكن يضيعك .🚫
13 - دوركويس على جوجل متعتمدش على السوشيال ميديا بس لان فيها نصب للركب .😮
14 - لو مطلوب سكرتاريه من البنات أتأكدي من اسم المكان الي هتعملي فيه مقابله الشغل ومن شخصيه الhr كويس عشان امانك الاول ومن الاستغلال .🚫
15 - مفيش انترفيوا شغل في مكان عام أو شقه او عربيه .🤨
16 - مفيش حد محترم مسؤول توظيف هيبدا المكالمه باسمك ايه او صورتك أو يتعرف عليكي قبل ما يوصلك تفاصيل الشغل .🤚
17 - متنقليش وظيفه أو فرصه عمل لحد قبل ما تتأكد انها امان ومش نصب ولا استغلال . 🙂
18 - مفيش تاني اي ابلكيشن شغل مقابل فلوس ولا مقدم قبل الشغل .🚫
19 - مفيش شغل من المنزل بيجيب ٢٠٠٠ جنيه في اليوم ولا اسبوع ولا شهر غير شغل الفريلانسر غير كدة كدب .😮
20 انا مش بتاع توظيف بس مش عاجبني النصب اللي بشوفه واستغلال ظروف الناس وحاجتهم للشغل واي حاجه بتقابلني واثق فيها بنشرها .😎
# اعرف - حقك
# متخليش - حد بستغلك
ليست هناك تعليقات:
إرسال تعليق